平时我地收到履历，如果唔啱洗一般都不会另行通知，无消息就係坏消息，大家明啦......有一次我收到一封好特别嘅求职信，就因为封信太特别，所以一早就被放入资源回收桶，估唔到换嚟夺命追魂电邮...

ABC次见到封信已经令我印象深刻，首先引起我注意就係张相。呢张唔係一张普通嘅相，而係一张影住张相嘅相！而且我仲见到放张相嘅木纹枱面上面有两旧擦胶碎。

再睇落去係一段又一段文字，ABC段佢介绍自己...

我叫「陀螺小子」，我像一个稿速旋转的爆旋陀螺......

我谂有睇过一两集《爆旋陀螺》都知道爆旋陀螺可以转爆墙撞死人，媲美《比卡超》嘅十万伏特！咁强破坏力，我谂要搵返小火龙、车喱龟做你同事

再睇学历背景，由小学到大学读过嘅科目、参加过「超越时空九型人格爱恨情仇话剧」、校际朗诵比赛、做过阅读大使等等，全部用一段又一段嘅文字写出嚟，我粗略估计呢份CV字数应该有二千字以上，直头好似睇紧名人传记咁。

份CVABC特别的地方係竟然列出咗佢每次去旅游嘅行程...

2015年1月 香港>北京>河南>香港

2013年2月 香港>北京>黑龙江>吉林>香港

2011年9月 香港>四川>香港

我心谂「关我x事？」ABC后又係一大段文字作结，话自己不知不觉写了这么多字（我知呀！！）

咁特别嘅CV通常都係终结于资源回收桶，然后被遗忘。但过两日我又收到陀螺小子嘅消息..

电邮标题係：

人事部的哥哥姐姐你好，「陀螺小子」非常着急和真诚地等待你的回覆。

人事部的哥哥姐姐？要咁亲切咩？

因为两天收不到回覆，老爸不停催促搵工，令我内心十分着急，希望可以尽快来上班。

其实无论陀螺老豆点催促，人事部嘅哥哥都係冇打算回覆，于是我再将电邮放入资源回收桶。结果过咗两日，「陀螺小子」嘅电邮又再惊现收件匣，只係内文变咗「等了四天」，之后每隔两日就收到一个

等了六天......八天......十天......

我谂大家都估到我唔会约佢嚟见工，但少年我实在太年轻了，缘份天注定，有一天我竟然同陀螺小子来了个华丽邂逅。不出所料，佢真人比份CV更精彩......待续

原文刊于HR小薯蓉Facebook，ick获授权转载，标题经ick 编辑修改，原题为「奇形怪状CV系列之陀螺小子追魂信」。